ഓം ഹ്രീം തലമാറട്ടെ.....

 എം ബി ബി എസ്  ഇല്ലെങ്കിലും തലമാറ്റി വെക്കല്‍ ശാസ്ത്രക്രിയ നടത്താന്‍ പറ്റിയ ഡിഗ്രി കിട്ടുന്നത് ഒരു പക്ഷെ ഗ്രാഫിക് ഡിസൈനിംഗില്‍ മാത്രായിരിക്കും. ഇവിടെ ഞാന്‍ അതിനു വേണ്ട അസംസ്കൃത വസ്തുക്കളായി ഉപയോഗിച്ചിരിക്കുന്നത് പൃത്വീരാജ് ന്റെ പുതിയ ഫിലിം അന്‍‌വറിന്റെ ഒരു പോസ്റ്ററും ആ നല്ല മോന്തയെ വൃത്തികേടാക്കാന്‍ ഉപയോഗിച്ചിരിക്കുന്നത് എന്റെ ഒരു ഫ്രണ്ട് (ചോദിക്കാനും പറയാനും ആരുമില്ലാത്തതു കൊണ്ട് അവന്റെ ഫോട്ടോ എടുത്തെന്നു മാത്രം) ന്റെ ഫോട്ടോയാണ്. മോര്‍ഫിംഗ് നടത്തുമ്പോള്‍ നമ്മള്‍ പ്രധാനമായും ശ്രദ്ധിക്കേണ്ട ഒരു കാര്യം . നമ്മള്‍ തിരഞ്ഞെടുക്കുന്ന ചിത്രങ്ങള്‍ക്കനുസരിച്ചാണ് അതിന്റെ കളര്‍ ബാലന്‍സ് ലെവത്സ് എന്നിവ ക്രമീകരിക്കേണ്ടത്  എന്നതാണ്. ഇതു തുടക്കത്തില്‍ തന്നെ പറയാന്‍ കാരണം ഇവിടെ പറയുന്ന ട്യൂട്ടോറിയല്‍ പ്രകാരം എല്ലാ ചിത്രങ്ങള്‍ക്കും ഒരേ കളര്‍ ബാലന്‍സും മറ്റു സെറ്റിംഗ്‌സുകളും നല്‍കിയാല്‍ സംഗതി പാളും. പിന്നെ എന്നെ തെറി വിളിച്ചിട്ട് കാര്യമില്ല. പിന്നെ ഗുരു നിന്ദ പാപമാണെന്നറിയാമല്ലൊ ശിഷ്യ ന്മാരേ, അതുകൊണ്ട് പരമാവധി സമരവും ജനല്‍ ചില്ല് എറിഞ്ഞുടക്കുന്നതും ഒഴിവാക്കുക. പ്രിയപ്പെട്ട മമ്മുട്ടിയുടേയും പൃത്വിരാജിന്റേയും ആരാധകര്‍, ഫാന്‍സ് അസോസിയേഷന്‍സ് എല്ലാവരും എന്നോടു ദയവായി പൊറുക്കുക, എനിക്കിതല്ലാതെ മറ്റു നിവൃത്തിയില്ലാത്തോണ്ടാണ്, നിങ്ങളു കരുതുന്നുണ്ടാവും കാണാന്‍ കൊള്ളാവുന്ന വല്ല കോന്തന്മാരുടേയുംഫോട്ടോ മോര്‍ഫിക്കൂടെ എന്നു, എന്തായാലും ഞാന്‍ തുടങ്ങി, ബാക്കി എല്ലാം ഈശ്വരോ രക്ഷതു:

     ചിത്രത്തില്‍ കാണുന്നത് പോലെ മുഖം Polygonal lasso tool ഉപയോഗിച്ച് കോപി ചെയ്യുക. നമ്മുടെ മോര്‍ഫിംഗ് നടത്തേണ്ട ചിത്രത്തിലേക്ക് ഡ്രാഗ് ചെയ്യുക.

    Free transform (Ctrl+T) ഉപയോഗിച്ച് ഒറിജിനല്‍ മുഖത്തിന്റെ വലിപ്പത്തിലും ചെരിവുണ്ടെങ്കില്‍ അതും ക്രമീകരിക്കുക. 

ഇനി നമുക്ക് ചിത്രത്തില്‍ കാണുന്നത് പോലെ ഇറേസര്‍ ടൂള്‍ ഉപയോഗിക്കണം. അതിനായി ഇറേസര്‍ ടൂള്‍ സെലെക്റ്റ് ചെയ്ത ശേഷം soft round brush 50 px സെലെക്റ്റ് ചെയ്യുക. ഇനി വല്ലാണ്ടു മൊട കാണിച്ചു നിക്കണ സൈഡ് എല്ലാം പതുക്കെ മായ്ച്ച് കളയുക.

ചിത്രത്തില്‍ കാണുന്നത് പോലെ കളര്‍ ബാലന്‍സ് അഡ്ജസ്റ്റ് ചെയ്യണം. അതിനായി Image > Adjustments > Color Balance പോകുക. നിങ്ങളുടെ ചിത്രത്തിന് അനുസൃതമായ സെറ്റിംഗ്സ് നല്‍കുക.

ഇനി ലെവല്‍‌സ് അഡ്ജസ്റ്റ് ചെയ്യണം.( ഇത് എല്ലാ ചിത്രത്തിലുമൊന്നും ചെയ്യേണ്ടി വരില്ല, മോര്‍ഫിംഗിന്റെ  കാര്യത്തില്‍ ടൂള്‍സുകള്‍ അല്പ സ്വല്പം വ്യത്യാസപ്പെടാം. അതു കാര്യമാക്കണ്ട. എല്ലാം വരുമ്പോലെ വരും എന്നെ ക്രൂശിക്കരുത് എനിക്കീ രക്തത്തില്‍ പങ്കില്ല) ലെവല്‍‌സ് അഡ്ജസ്റ്റാന്‍ image >> adjustments >> levels എന്നിടത്തു പോയാല്‍ മതി. 

സംഭവം ആളു കലാഭവന്‍ മണി സ്റ്റൈലില്‍ കറുപ്പിനേഴഴക് ആണെങ്കിലും ഒപ്പം നിക്കണ മംതാജിക്ക് ഒരു കുറച്ചില്‍ വരരുതല്ലോ. അതുകൊണ്ട് ഡോഡ്‌ജ് ടൂള്‍ സെലെക്റ്റ് ചെയ്ത ശേഷം ചിത്രത്തില്‍ കാണുന്ന സെറ്റിംഗ്സ് ( Dodge Tool (Brush: 30px, Range: Midtones, Exposure: 30%) നല്‍കുക. ശേഷം ചിത്രത്തില്‍ മാര്‍ക്ക് ചെയ്തിരിക്കുന്ന പോലെ അവിടവിടായി ചെറുതായി ഡോഡ്ജ് ബ്രഷ് പ്രയോഗിക്കുക.  

ഇനി അല്പം ബേണ്‍ ചെയ്യണം. കണ്ണിന്റെ താഴെ യായിട്ടൊക്കെ , അതിനായി ആദ്യം ബേണ്‍ ടൂള്‍ സെലെക്റ്റുക, (ചിത്രത്തില്‍ ശ്രദ്ധിച്ചാല്‍ ബേണ്‍ ടൂള്‍ കണ്ടെത്താം) ഇനി ബേണ്‍ ടൂള്‍ സെറ്റിംഗ്സ് കൂടി (Brush: 25px, Range: Midtones, Exposure: 40%) അഡ്ജസ്റ്റ് ചെയ്ത്  പ്രയോഗിക്കൂ. (ഇതൊന്നുമില്ലെങ്കിലും സംഗതി നടക്കും പിന്നെ ഒരു ട്യൂട്ടോറിയലാവുമ്പം അല്പം ജാഡയൊക്കെ വേണ്ടെ അല്ലെ..... ഹല്ല പിന്നെ....) 

     ഇനി പുതിയ ഒരു ലയര്‍ ഉണ്ടാക്കുക, ശേഷം ചിത്രത്തില്‍ കാണുന്നത് പോലെ Polygonal lasso tool ഉപയോഗിച്ച് ഒരു ഷേപ് ക്രിയേറ്റ് ചെയ്യുക. #1d0d08 ഈ കളര്‍ അതില്‍ സെലെക്റ്റ് ചെയ്യുക. പെയിന്റ് ബക്കറ്റ് ടൂള്‍ ഉപയോഗിച്ച് കളര്‍ ഫില്‍ ചെയ്യുക. 

    Ctrl+D ഉപയോഗിച്ച്  ഡിസെലെക്റ്റ് ചെയ്യുക. Filter > Blur > Gaussian Blur ല്‍ പോയി ചിത്രത്തില്‍ (3,8 pixels) കാണുന്ന സെറ്റിംഗ് നല്‍കുക . ലയര്‍ പാലറ്റില്‍ ബ്ലെന്റിംഗ് മോഡ് Multiply എന്നു നല്‍കുക. ഇനി വേണെങ്കില്‍ അല്പം ഒപാസിറ്റി കുറക്കാം. ഒരു 94 % ആക്കാം. ലസ്റ്റ് 90 വരെ പോകാം. ഈ ഒപ്ഷന്‍ നിങ്ങളുടെ ചിത്രത്തില്‍ വേണമെങ്കില്‍ കൊടുത്താല്‍ മതി, നമ്മടെ ചിത്രത്തില്‍ മംതയുടെ മുഖത്ത് കരി വാരിത്തേച്ചത് കൊണ്ട് പിന്നെ ഇവനും കൂടിയില്ലെങ്കില്‍ കാണുമ്പം അതൊരു അഭംഗിയല്ലെ...ഇപ്പം ആകെ മൊത്തം ടോട്ടല്‍ നമ്മള്‍ എഡിറ്റിയ ചിത്രം ദേ താഴെ കിടക്കുന്നു.    

മറ്റൊരു പരിക്ഷീണം കൂടി ദാ താഴെ.....

ആദ്യമായിട്ടാണീ മോര്‍ഫിംഗ് പരീക്ഷണം, അതുകൊണ്ട് എത്രത്തോളം നന്നായി എന്നറിയില്ല.          NB:- പ്രിയ ശിഷ്യന്മാരേ കാണാന്‍ കൊള്ളാവുന്ന പെണ്‍ പിള്ളാരുടെ തലവെട്ടിമാറ്റി വെട്ടിലാവുന്ന പ്രിയ വട്ടന്മാരായ കുട്ടന്മാരോട് എനിക്ക് യാതൊരു വിധ ബാധ്യതയും ഇല്ല എന്നു ഞാന്‍ ഇതിനാല്‍ അറിയിക്കുന്നു.

Posted in: ഫോട്ടോ എഫക്‍റ്റ്, ഫോട്ടോഷോപ്പ്, മോര്‍ഫിംഗ്