ഫോട്ടോയിൽ മഴവില്ലു വിരിയിക്കുന്നത് എങ്ങനെയെന്നു നമുക്കൊന്നു നോക്കാം. രണ്ടോ മൂന്നോ മിനുട്ട് കൊണ്ട് ഇതു ചെയ്യാം. ഒന്നു ശ്രമിക്കാം അല്ലെ.
നമുക്ക് റൈൻബോ ഇഫക്റ്റ് നൽകേണ്ട ചിത്രം ഫോട്ടോഷോപ്പിൽ ഓപൺ ചെയ്യുക. ( ഈ ചിത്രം ഗൂഗിളമ്മാവന്റെ കയ്യിന്നു അടിച്ചു മാറ്റിയതാണു. )
പുതിയ ഒരു ലയർ ഉണ്ടാക്കുക. (1 എന്നു മാർക്ക് ചെയ്തത് ശ്രദ്ധിക്കുക) ടൂൾ ബോക്സിലെ ഗ്രേഡിയന്റ് ടൂൾ (2) സെലെക്‍റ്റ് ചെയ്യുക. മെനുബാറിലെ ഗ്രേഡിയന്റ് ഒപ്ഷൻസിൽ ചിത്രത്തിൽ 3 എന്നടയാളപ്പെടുത്തിയിരിക്കുന്ന റയിൻബോ ഗ്രേഡിയന്റ് സെലെക്‍റ്റുക.
ഗ്രേഡിയന്റ് എഡിറ്റർ ഓപൺ ചെയ്യുക. ചിത്രത്തിൽ കാണുന്നത്പോലെ കളർ സെറ്റ് ചെയ്യുക. ഗ്രേഡിയന്റ് എഡിറ്ററിൽ ഓറഞ്ച്, വയലറ്റ് കളർ കൂടി ചേർത്തത് ശ്രദ്ധിക്കുക. മൊത്തം 8 കളറുകൾ.
Rectangular Marque Tool ഉപയോഗിച്ച് ചിത്രത്തിൽ കാണുന്ന പോലെ ഒരു ചതുരം ക്രിയേറ്റ് ചെയ്യുക. കീബോർഡിൽ ഷിഫ്റ്റ് ബട്ടൺ ഞെക്കി പിടിച്ച് മുകളിൽ നിന്നു താഴേക്ക് ഗ്രേഡിയന്റ് പ്രയോഗിക്കുക. ശേഷം ഡിസെലെക്‍റ്റ് ചെയ്യുക. (Ctrl+ D)
Ctrl+T പ്രസ്സ് ചെയ്ത് Free transform ഓപൺ ചെയ്യുക. അപ്പോൽ ടൂൾ ബാറിന്റെ വലതു സൈഡിലായി 1 എന്നടയാളപ്പെടുത്തിയതു പോലെ ഒരു ഒപ്ഷൻ കിട്ടും അതിൽ ക്ലിക്ക് ചെയ്ത് ഇടത് സൈഡിൽ വരുന്ന മെനുവിൽ നിന്നു 2 എന്നടയാളപ്പെടുത്തിയിരിക്കുന്ന Arc എന്ന ഒപ്ഷൻ സെലെക്‍റ്റ് ചെയ്യുക.
ആർച്ച് കിട്ടിക്കഴിഞ്ഞാൽ പിന്നെ മുകളിൽ കാണുന്ന മെനുബാറിൽ Bend 70% ആയി സെറ്റ് ചെയ്യുക. ചിത്രം നോക്കുക.
ശേഷം Filter >> Blur >> Gaussian Blur പോകുക. ചിത്രത്തിൽ കാണുന്ന സെറ്റിംഗ്സ് നൽകുക. ഒരു കാര്യം ശ്രദ്ധിക്കുക. മാസ്ക് ചെയ്ത ഭാഗവും മാസ്ക് ചെയ്യാത്ത റെയിൻബോയും ബ്ലർ ചെയ്യണം.
ഇനി ലയർ മോഡ് Liner Light എന്നു സെലെക്‍റ്റ് ചെയ്യുക. Fill 14 % മുതൽ 17 വരെയാവാം.
