പെന്‍സില്‍ വരയില്‍ ഒരു പ്രൊഫൈല്‍ ഫോട്ടോ

ചുമ്മാ ഞാനും ഒരു ആര്‍ട്ടിസ്റ്റാണെന്നും പറഞ്ഞു വേണേല്‍ സ്വന്തം ബ്ലോഗിലെ പ്രൊഫൈല്‍ ഫോട്ടോ ഒന്നു പെന്‍സില്‍ കൊണ്ട് വരഞ്ഞു നോക്കണമെന്നു തോന്നിയിട്ടുണ്ടോ... എങ്കില്‍ ദേ ഫോട്ടോഷോപ്പില്‍ അതിനു ഒരു എളുപ്പ വഴി.

എന്റെ ഒരു സുഹൃത്തിന്റെ ഫോട്ടോയാണ്. വല്ല സിനിമാ നടന്മാരുടേയും ഫോട്ടോ എടുത്താല്‍
ഫാന്‍സ് അസോസിയേഷന്‍ കാര്‍ വന്നു പെരുമാറിയാലൊ എന്നുള്ള പേടികൊണ്ടാണ് സുഹൃത്തിന്റെ ഫോട്ടോ എടുത്തത്. ഇവനു ഫാന്‍സ് അസോസിയേഷന്‍സ് ഒന്നും ഇല്ലെന്ന വിശ്വാസത്തിലാണ്. തല്ലുകിട്ടുമോന്നു അറിയില്ല. കാരണം ആളൊരു കവിയായത് കൊണ്ട് വല്ല സാഹിത്യ സംഘക്കാരും പെരുമാറുമോന്നുള്ള ഭയം ഇല്ലാതില്ല. എന്തരായാലും വേണ്ടൂല്ല. ഞാന്‍ ഇവന്റെ ഫോട്ടോയിലങ്ങ് പെരുമാറാന്‍ തീരുമാനിച്ചു.

ഫോട്ടോ ഓപണ്‍ ചെയ്ത ശേഷം ഒരു ഡ്യൂപ്ലികേറ്റ് ലയര്‍ ഉണ്ടാക്കണം.അതിനായി ബാക്ക് ഗ്രൌണ്ട് ലയറിന്റെ മുകളില്‍ റൈറ്റ് ക്ലിക്ക് ചെയ്ത് ഡ്യൂപ്ലിക്കേറ്റ് ലയര്‍ എന്നിടത്ത് ക്ലിക്കുകയോ അതല്ലെങ്കില്‍ layer >> duplicate layer എന്നിടത്ത് പോകുകയോ ചെയ്യാം. ശേഷം Image >> Adjustments >> Desaturats എന്നിടത്ത് പോകുക.   

ഇനി ഒരു ഡ്യൂപ്ലിക്കേറ്റ് ലയര്‍ കൂടി ക്രിയേറ്റുക. image> adjustments> Invert പോകുക. 

ഇനി ലയര്‍ പാലറ്റില്‍ മോഡ് color dodge എന്നാക്കുക.

കളര്‍ ടോഡ്‌ജിയപ്പം ഒക്കെ പോയല്ലോ ദൈവേ എന്നും പറഞ്ഞു തലയില്‍ കൈ വെക്കുകയൊന്നും വേണ്ട. ഇതൊക്കെ ഇതിന്റെ ഒരു ഭാഗമാണെന്നു കരുതി സമാധാനിക്കാം. ഇനി  filter >> blur >> gaussian blur >> പോകുക . Radius 15 pix നല്‍കുക. ഇനി image >> adjustment >> color balance (Ctrl + B ) ഓപണ്‍ ചെയ്യുക. താഴെ ചിത്രത്തില്‍ കാണുന്ന പോലെ സെറ്റിംഗ്സ് നല്‍കുക. 10 മുതല്‍ 13 വരെ നിങ്ങള്‍ക്ക് ഇഷ്ടമുള്ള സെറ്റിംഗ്‌സ്...

ഇനി നമുക്ക് ചിത്രങ്ങള്‍ മെര്‍ജ് ചെയ്യാം മെര്‍ജ് ചെയ്യാനായി Ctrl + E പ്രസ്സുക. സംഗതി കഴിഞ്ഞു.